Gələcək nəslin nümayəndələri olan məktəblilərimizin insan həyatında böyük rolu olan çörəklərin hazırlanmasından xəbərdar olub və geniş təsəvvür yaranması üçün “Delta Qrup C.O.” MMC davamlı olaraq müxtəlif məktəblər ilə infoturlar təşkil edir.
Xırdalan şəhəri 2 saylı orta məktəb şagirdləri ilə 26 oktyabr 2017-cı il tarixində “Delta Qrup C.O.” MMC-nin “Çörəkçi” istehsalat müəssisəsində ekskursiya təşkil edildi. İlk öncə infotur iştirakçılarına istehsalat sahəsinə daxil olmaq üçün təhlükəsizlik qaydaları barədə ətraflı məlumat verildi. İstahsalat sahəsində təmizlik və gigiyena qaydalarına riayət etmək üçün böyükdən kiçiyə hər kəs xüsusi geyimlərlə təchiz edildi. Məktəblilər istehsal müəssisəsi, çeşidli çörəklərin hazırlanma texnologiyası və qablaşdırılma prossesi ilə tanış oldular. Tam sağlam və gigiyenik şəraitdə hazırlanmasının canlı şahidi oldular. İstehsal olunan çörəklər ilə bağlı məktəblilərin sualları tərəfimizdən peşəkarlıqla cavablandırıldı.
“Delta Qrup” MMC-nin məktəblilər üçün təşkil etdiyi infotur iştirakçılarda zəngin təəssürat doğurub.
Sonda hər bir iştirakçımıza Bismak və Çörəkçi məhsullarından hədiyyələr təqdim olundu.
